(Altza, 1948) ingeniaria da ikasketez. Irakaskuntzan eta itzulpengintzan jardun izan du, eta egun literaturari emana da bete-betean euskal nobelagintzaren autore gailenetarikoa dugun hau (Babilonia, Poliedroaren hostoak, Consummatum est, Udazkenaren balkoitik, Kalamidadeen liburua). Berriki, Lur bat haratago eleberri mardula argitaratu du, estilismo erakustaldi bikaina eginik oreka harrigarrian.

Obra poetikoa
HUTSATIK ESPERANTZARA. Caja de Ahorros Provincial de Guipuzcoa, 1975
DENBORAK EZ ZUEN NORA. Erein, 1991
HAUTSA ETA MAITEMINA. Elkar, 1998

«Ez da Joan Mari Irigoien joera ekialdezalez ageri zaigun poeta bakarra, baina, besteak beste, ezin egokiago datorkio mundu hori bere hausnarketak islatzeko, azala eta mamia bat eginik pentsamendua kontzentratuz edo hitzen hoskidetasunak hurbiltzen dituen kontzeptu urrunduak kontrajarriz espazioaren bilaketan eta denboraren doluan. Pintura eta egoera exotikoak molde berritan landuz, askatasunaren eremua sortzen du poetak, edertasuna eta ontasuna uztartzen dituen etorkizuna».

(Koldo Izagirreren sarreratik)