(Zaldibia, 1961) filologian lizentziatua da eta irakasle dihardu. Marià Manent, Edmond Jabès eta Marina Tsvietaieva-ren poema liburuak itzuli ditu. Euskal Idazleen Elkarteko lehendakaria da egun.

Obra poetikoa
GABEZIAK. L. Haranburu Editorea, 1980
HOSTOAK-GAIA ETA GAU-ALDAKETAK. Bilbo Aurrezki Kutxa, 1983
DERROTAREN FABULAK. Pamiela, 1986
OSINBERDEKO KHANTORIAK. Pamiela, 1986
MANUAL DEVOTIO GABECOA EDO IBILGAILUETARA ERABILTZECO ESCU-LIBURUA. Pamiela, 1994
GABEZIAREN KANTHOREAK. ANTOLOGIA. Pamiela, 1995
IZEN GABE DIRENAK. HAURDUNALDI BETEKO KHANTORIAK. Pamiela, 2000

«Obra oparoa dauka Tere Irastortzak, anitza, baina ingurutik baitaratzen ditu beti bulkorik jasoenak: hitzetarik sortzen du poema, esperientziatik sortzen du ideia. Etengabeko zehazte prozesu batean tematua, beti jakin izan du "zamarik gutxien duen erara, / indarrik haundien duen / sendimenduaz" idazten, hots, aldarri egin behar izan gabeko emetasunaz guztion giharrean jotzen. Minduran eder eta bozkarioan zuhur iritsi zaigu bere azken obra ere, gozatzen eta pairatzen duenetik sortua, amatasuna eta espazioa uztartzen dituen hausnarketa liluragarria».

(Koldo Izagirreren sarreratik)