I

Aberrijak Bizkaya-ixena dauz

Bizkardi bat zan lez bere;

Baña orain daukazan bizkarrak

Ixena zikintzen dautse.

        ¡Auxe da, anayak, zorigeztua;

        Au lots andija da argiro!

        Bizkaya'ri bere ixena berez

        Garbi geratu etxako.

                  II

Mendijetako bixkar zabalak

Aratu egixuz ondo,

Ta idoroko dozuz motzalez ta

Motzez beterik osoro.

        ¡Auxe...

                  III

Bizkai-semien bizkar senduak

Arrotzak ezarritako

Kate lotsadizko zama aztuna

Pozik dakarre politto.

        ¡Auxe...

                  IV

Baña euron bizkarrak senduak

Dira, ta kate-ganian

Euron buruben saltze-diruba

Ekartzen dabe askotan.

        ¡Auxe...

                  V

Gaurko Bizkai-alaba eruok

Eztabe nai kopetarik:

Bizkarretik jasota ule ederra,

Dakarre motzak letxerik.

        ¡Auxe...

                  VI

Bizkai onetako bizkardijan

Ezta iñun bizkar zindorik,

Bizkar gustijok dagozalako

Gusti-gustiz motzaturik.

        ¡Auxe...

                  VII

Gitxi dira Bizkai-seme onak,

Gitxi dira bizkattarrak;

Gitxi, bizkattartasun-zamea

Zintzorik dautsen bizkarrak.

        ¡Auxe...

1898-Orrila

Baserritarra, 7'g. zenbakija, 1897-Bagila-13