1

gaur ere goiz ilunduko du agian

zohardian izarrak biztuko

eta hotza egingo du hemen behean

inorekin mintzatzea debekaturik

ene buruarekin mintzatu naiz soilik

baina isiltzeko agindu didate

kantatzea ere debekaturik dago

baina ez dakite

poemak izkiriatzen ditugunik

poema bat hasi naiz izkiriatzen

miarmak bere hariak

zelda bazterrean zabaltzen dituen bezala