1

Gaur ezpata-dantzari

aurren-azkendari

Korpus-da San Joan

dituztela gogoan,

Zaldibitarrak,

gazte eta zarrak,

oi dabiltza dantzan

beren erriko plazan.

          2

Gozo edo miña,

Martin danboliña,

arturik berekin

Errikardorekin,

dantzari ariña

omen da kapagiña

Juan Martin,

nik ori ondo jakin.

          3

Geldi, geldi, geldi,

Berdillariri

erabilli konpasa,

ez dakion pasa;

Martiñek badaki

nola erabaki

aren zortzikoa

ez du lendabizikoa.

          4

Zubieta

ba du beta;

dantzatzen zortzikoa

guziz da pijoa.

Ermentaria

zer dantzaria!

eta Longinos

ikusi ditut iñoiz.

          5

A! nolakoa

Olakoa!

dantzatzen ezpata bi

ikusirik nago ni;

aren anka

eta planta

ez da itxusia,

plaza asko ikusia.

          6

Diego beltza

asko oi da altxa;

arturik ezpata

dantzari polit bat da;

iru txiki,

eta txiki, txiki,

geienean aurrean

biak alkarren parean.

          7

Etxerik etxe

an ta ementxe,

gizonak eta mutillak,

salto ta brinko

egiñik pijo,

ustuzeituzte botillak.

Zeñek atxi

Olako Patxi

erabilten ezpata!

zankoak arin

orain, baldin

arras galdu ez bada.