Txatxantxo gazte polit bat

maitatzen det aspaldian.

Bera bezelakorikan

ez dago errian.

      * * *

Gorputz galanta du, egokia,

illea guziz lodia,

begi beltz alaiak,

gerri liraiñ,

ezpaña txit gorria.

      * * *

Galai gazte aniz

damatxo onen ondoren dabiltz

gau ta egun:

beste bat alakorik

ez baitago iñun;

      * * *

ederra da segurki,

berak ere badaki;

bizia galdu lezake

edozeñek argati;

engañaturik gaduzka

beste asko eta ni.

      * * *

Gaztetanik du ainguru onek

guztiz asko ikasi;

aldamenean beti nai ditu

aberatsak ikusi.

      * * *

Aingeru au eta beste lau galai gazte

arrats batean

polikitxo eta gozotxo

zeuden alkarren aldean;

      * * *

itz egiten zioten ederki;

bañan ez dakit maite ote duten

biotzeti.

      * * *

Zure ondorendik dabiltzan galai gazteak,

baldin badirade etxe-oneko semeak,

beren idekoak naiko dituzte emazteak.

Zu utzirik artuko dituzte besteak.

Maite zaituztela esanagatikan zuri,

izango zaizkitzu itzuli.

      * * *

Ezkontzeko firme eman arren itza,

galai aberatsakin kontuz zabiltza.

      * * *

Izan zentzake miña,

orain ez bada ere bai gero,

adiskide oriek egiña.

      * * *

Nai dizutela asko asango dizute beti

bañan ez, nik bezela,

biotz-biotzeti.

      * * *

Galai maitagarria;

iru urte onetan badakizu bai

nere barrengo berria.

Nai ditut asko biotz biotzetik,

ez det iñor zu beste maiterik.

      * * *

Gau eta egun, beti zauzkat gogoan;

zu beste maiterik ez det munduan.

Galai aberats guzi guziak ditut utzi,

zergatik nai dedan zurekin bizi.

      * * *

Oroitzen naiz ongi

nola esaten nizun arrats batez

geundela bakarrik

itzegiten gelan zu ta ni,

beste guziak baño

askoz maiteago

izango zinduztala beti, beti.