1

Erbia jan ondoan

ai zer atsegiña!

arrapatzeko egin

gogoz alegiña;

salsa badu koipean

ondotxo egiña,

guztiz gozoa baita

aren gitzurdiña.

          2

Zaldibian eiztari

azkarrak ba dira,

zuzenki bear zaio

erbiari tira:

dala buru aldera

edo ipurdira,

bestela joango da

bizirik mendira.

          3

Ikusi izan ditut

nik berso berriak

eiztari ustekoak

tabernan jarriak:

ez ditu sendatuko

gaixo ta eriak

eskopetaz jaun oek

ildako erbiak

          4

Erbi zarrak iltzeko

aste ta jaiean

jarri izan dirade

askotan gaiean:

nolanai tira arren

lurrera ta aizean

arras eiztari onak

dirade maiean.

          5

Eizera joanarren

igaz eta aurten,

tira bide onean

ez dirade jarten:

erbi-apari asko

ez dute ematen;

bestek arrapatutik

ba dagite jaten.

          6

Gertatu izan dala

artu det barria,

ez dakit dan gezurra

edo dan egia:

lotan zegoalarik

apian erbia,

tira eta utsegin

a, zer eiztaria!

          7

Bakulua arturik

apropos illtzera

joan izandu zala

det nik aditzera:

tiroa aurrera ta

erbia aitzera,

bete betean jarten

biziro gaitze da.

          8

Eskopeta jarririk

bakulu gañean,

tiratu omen zion

sosegu onean:

polboraren usaia

entzun ondorean,

erbiak arantzarik

etzuen oñean.

          9

Erbia igesi ta,

ura naigabea!

ez omen zan kontentu

bakulu jabea:

ikusi izan balu

maiean parea,

ondo gisatuaren

guztiz da zalea.

          10

Edozeñek badaki

dala txit gaiztoa,

gertakari txar txar bat

berez alakoa:

naiz dala gizena ta

orobat flakoa.

gozoagoa dala

uste det gaurkoa.

          11

Erbia baldin bada

menditik jetsia,

guria izango da

beraren txitxia:

are gozoagoa

zopatan bustia,

tiratzalle onari

zor zaio guztia.

          12

Eiztariak dakite

mai ona ipintzen

eta adiskideak

bertarako biltzen:

goiz batean bakarrik

iru erbi gizen,

bakulu bagetanik

zeñek ditu illtzen.

          13

Anton eta Manuel

goien eta bean

jarri ezkeroztanik

tiratzeko eran,

eizak pensatuko (...

seguru (...

ikusi (...