|
Jai-billera batean
Itzal astunik ez orain gure barru,
igesi dijoa kezkaren illuna,
zure yolasean ekarri diguzu
izpi-sorta baten leñuru kutuna.
Gizon argi zera, txit argi, burutsu,
biziro asmamen txorrotxa dezuna:
Ederrik ez baña; naiz gogo-ziritu,
zure zirikiak... ¡bai txorrotx biguna!
Iztun yayoa zera, baitere gurgarri;
aiskide bat iñoiz gezurraren aldez
ari dala-ta zuk polliki-polliki
oar dagiozu bere txar egitez.
Aizkidetasunak itzegiñerazi;
esate latz edo gogorraren bidez
nai ez alegia beñere jarduki;
irakasle onak zigor bearrik ez.
Irripar dagizu?... Ziri ta borobil,
gezi ta loredun irri gozakaya!
Berorixe goibel-urratzalle arin
zoar bat izaki, biotzaren jaya.
Gu denoi ere zuk irripar eragin...
Zorionak emen urbizi alaya;
giroz osatua eretsu baitabil
elkarrenganako pozaren ibaya.
Ibai garbi onen ur eztitsuetan
gogoz ase gera, biziro zaleki,
ta zaletasunez ain oparo edan
degunaren bide, guztiok esari;
ixil-unerik ez, baizik gorabear
kementsu bat emen mingain ta eztarri.
Atsegin osoa gure biotzean;
Txorrotx, zure opaz onelako zori!
opaz, en honor de.
eden, veneno.
oar (oarpen), advertencia, observación
irakasle, maestro, instructor.
gezi, dardo, saeta.
zoar (argi), claro.
eretsu, sonoro, armonioso.
esari, decidor.
| 
