|
Iainkoari zor bizitza;
Berak itz eder au: Zadi!;
ta bat-batean orrela
nere sortze, nere izaki...
Egunez ni ezikuskor,
gauean oztar-irudi,
gaxoen begirale ta
olerkarien goyargi.
Aratzine naiz, mendi-mendiko
ixillaren ama txuri.
Izarrak klisk-egin t'egin
beren zabalde garbia
bitxitu-garayan oi det
maizenik agerraldia.
Nigaz zillargitzen dira
ibai, soro, larredia...;
ta Auñamendi'ko basauntza,
berez orren izutia,
jauzika urbil zait; atsegingarri
baitzaio nere argia.
Maitale izan ta iñork maita
ez ditun gaxoak nere
maitenak dira; laguntzik
ez diet uka beñere.
Ametxar-irabi edo
kezkarik sortzen bazaie,
ega bizkor ariñean
mugonez erdu natzaie,
t'amestxar naspil nekegarriak
urrutira iges, aldarte...
Askotan bidegin arren
elur-izara-gañean,
nere oñatzik ez dago
ibilli naizen bidean.
Euriyak ez nau bustitzen,
ez ere sakon beltzean
iresten arrats illunak;
dirdira baitet soñean.
Egunez lore, zitori naiz, ta
Yaupaleme arratsean.
Zadi!, imperativo de Ser. / Forma sintética de izan zaite (jayo zaite).
jauzika (yauzika), retozando.
Aratzine, hada.
iretsi, tragar, devorar.
Zitori, azucena.
Yaupaleme, sacerdotisa.
|
