1886 Urnieta
Biba San Migel!
Juan Jose Alkain
(Done Migel Goi-Aingeruaren onran itz neurtuak)
1
Bertso berriak jartzera nua
San Migel Aingeruari,
Talentsuak baldin bagina
Gaia badago ugari.
Orretarako laguntasuna
Eskatzen diyot berari
Errespeto edo humildadian
Zerbait itzegin balegi.
2
Kaso onetan biharko dana
Esplikaziyo garbia
Doai pixka bat izanagatik
Ez naiz euskaldun trebia.
Liburutik ere ez det baliyo
Estudiatu gabia,
Urtia franko memori txarra
Au ez da modu obia.
3
Gure San Migel estimatuba
Da espiritu puruba,
Errespetuan itzegin zadan
Argi zadazu buruba.
Ezpatarekin jarririk dago
Guardatu dezan Zeruba
Aita Eternuak emana dauka
Merezi duben graduba.
4
Luzifer eta San Migel ere
Biyak lagunak bai ziran
Pentsamentuzko disputa zuten
Askoren zorigaitzian.
Irutatik bi bezela zeuden
San Migel zure itzian
Gainerakuak instante batez
Infernuetara juan ziran..
5
Aingeru onek otsegin ziyon
Bere ezpata jasorik
Luzifer orren soberbiari
Ez egiteko kasorik
Aita Eternuaren konpainiatik
Ez emateko pausorik
Ango gloriyaz kontentu ez danak
Ez du juizio osorik.
6
Aita Eternuaren justizia da
Gauza ikaragarriya
Irutatik bat bezela bazan
Luziferrena jarriya,
Ango legia justuba data
Bete zitzaion neurriya
Juan ziranak ikusten dute
Geroz istilu gorriya.
7
Manifestatzen astera nua
Daukadan sentimentuba
Berak galduta gu ere galtzeko
Da oien pensamentuba
Deskuido gabe gorde dezagun
Jesusen lege santuba
Anparatzaile maitagarriya
Eduki gure kontuba.
8
Ala gera ta aitortzen degu
Pekatariyak gerana
Mantxa au degu Adan ta Ebak
Egun batian emana
Sentidu au da sermoietatik
Inoiz aditu dedana
Relijiyuaren defensoria
Izan da izango zerana.
9
Bekatariyen anparatzaile
Aingeru eder maitia
Eskusa gabe aitortzen dizut
Daukadan borondatia,
Desio degu Jesus onaren
Konpainiara juatia,
Peligro aundiyan arkitzen gera
Gutzaz akorda zaitia.
10
Kuidado edo atentziyua
Iduki zazu gugana
Asko anima nor bere faltaz
Infernuetara juana
Obra guziyak pisatutzera
Etorri biagu zugana
Errukarriya geldituko da
Txarretik asko duana.
11
Obra gaiztuak pisubaguak
Dirade jeneralian
Peligro asko nun nai daukagu
Baserriyan ta kalian,
Pisu oiekin lagun zaguzu
Zedorren eginalian,
Zori onekua izan gaitezen
Jaunaren tribunalian.
12
Luzifer dauka bere ankapian
Zerutik igesegina,
Bera galdu zan gu galtzen ere
Saiatzen da alegina,
Pisuban nola disimulatu,
Obra gaiztuak egina
Orrek ez luke inor galduko
Garbi juango bagina.
13
Beste gauza bat itzegiteko
Artu det pensamentuba
Satanasek du leku guziyan
Naiko persegimentuba,
Lurrian geren buru jarrik
Daukagu Aita Santuba
Eliza ondo guardatu dezan
Eduki zazu kontuba.
14
Luzifer orrek mundutarrentzat
Du asko erremediyo,
Tentaziyuak pensatzen ditu
Inork laguntzen badiyo
Eliza eta gu persegitzen
Gau eta egun seriyo
Orko laguntza falta badegu
Ez degu asko baliyo.
15
San Migel zure presentziara
Denboraz degu bisita
Modu oberik ez det espero
Beste aldetara asita,
Zure laguntza esperatzen det,
Ez nago oso etsita,
Al balitz garbi juan nai nuke,
Mantxa guziyak utzita.
16
Ia San Migel aingeru ederra
Itz ontan egon gaitian
Aita San Pedrok bere giltzakin
Dago Zeruko atian
Pisu eder oiek birtutez bete
Zure aurrera juatian,
Orko gloriyak goza ditzagun
Eternidade batian.