1860 Urruña
Primadera
Mugaritz
Airea: Goizean goiz jeikirik ...
1
Ilhuna ehoztean
Jarraiki argia,
Horma elhur urtzean
Primader garbia.
Raite ra lalalala (bis)
Horma elhur urtzean
Primader garbia.
2
Haritzak du jasaiten
Hosto ederrena,
Erresinolak iten
Kantu maiterena.
Raite...
Erresinolak...
3
Belharrak gonbidatzen
Dantz'arinetara,
Edertasun manatzen
Amodiotara.
Raite...
4
Baratze handia da
Aldetan lilitzen,
Sutsurik balin bada
Dolore garbitzen.
Raite...
5
Jadanik da entzuten
Kantatuz xoria,
Jadanik hark mezuten
Du bere maitia.
Raite...
6
Jadanik da ikhusten
Ainhara gaixoa,
Errepikatuz bozten
Ohantze hauzoa.
Raite...
7
Guziak gonbidatzen
Dantz'arinetara,
Xoriñoak manatzen
Bozik kantetara.
Raite...
8
Xirripitak du jadanik
Kolore ozena,
Hezatzen du jadanik
Lurrik gizenena.
Raite...
9
Erleak lilietan
Ezti onak biltzen.
Jinkoiloa aldetan
Gozoak biphiltzen.
Raite...
10
Larretan dire hasi
Bildotxak jauzika.
Ezin baratuz hasi
Lasterka pitika.
Raite...
11
Bozarik ederrenak
Gaitu gonbidatzen,
Maitea maiterenak
Hemen dire batzen.
Raite...
12
Goazin bai, gozin beraz,
Bozik dantzatzera,
Guziz gure maneraz
Maitez kantatzera.
Raite... (bis)
Guziz gure maneraz
Maitez kantatzera.