Urruña 1853
Nahi nuen kantatu
Landerretxe, Garaztarra
EPIGRAPHE
La Makhila, objet utile,
Soit dans les champs, soit à la ville,
Passe encore,
Mais l'once d'or
Est un trésor
Des plus minimes
Pour un gueux troubadour
qui ne vit que de rimes
1
Nahi nuen kantatu,
Alegera partitu,
Bainan, zer bihotz mina
Ene baithan da piztu?
Ene bihotza nola,
Nola daite kontsola? (bis)
2
Norat hoa, untzia,
Norat utziz Frantzia?
Norat hola deramak,
Orai ene bizia?
Ene bihotza nola,
Nola daite kontsola?
3
Bagoazi tristeki,
Ameriketan kausi,
Ustez gure gozoa:
Esperantza zoroa!
Ene bihotza...
4
Zerek nau liluratu?
Hola zerk enganatu?
Egiazko onak utzirik,
Itzala dut hautatu!
Ene bihotza...
5
Euskal-Herrian sortzen,
Ameriketan hiltzen,
Oi, zer zorte dorpea
Orai dutan bilhatzen!
Ene bihotza...
6
Euskal-herri maitea,
Herri paregabea,
Hiltzea da neretzat
Hi gabe bizitzea!
Ene bihotza...
7
Adios, ama maite,
Galtzen zaitut zu ere,
Ni zugandik urrunduz
Zenbat biziko zare?
Ene bihotza...
8
Egin dudan botua
Baldin bethetzen bada,
Laster itzuliko naiz,
Am'ona, zuregana.
Ene mina bertzela,
Nola daite kontsola? (bis)